حلم / ناصر الثعالبي

حلم / ناصر الثعالبي                                       

1

حطي يم رمشي فراشه بلا رفيف

وخذي من عيني  رحيق ادموعها

كلبي ياكلب الحمامه من تزيف

تكنس الكاع برفيف اجناحها

حطي يم  روحي حبيبه من انام

لمي بعيونج عميق اجروحها

وغني يحبيه اغاني للسلام

والفرح بلكن بلادي ايلوحها

2

دوري يحبيبه على كل البنات

وطي صبحج للتوفي انذورها

مري يحبيبه على دمع اليتيم

شيلي ذلته وكشفي مستورها

ومري بعيون الحزن مرة غريب

شايل اهمومه بجنح مكسورها

وانثري اورود المحبه ويه الغروب

للوحيد اضاع بين اخمورها

وكولي معذوره اليام الما تشوف

الترفع بكل خسه عالي اسدورها