البصرة شريان الحياة / سامي سلطان

البصرة شريان الحياة  / سامي سلطان                         

البصرة

نفضت أهدوم التعب

وشالت هموم الناس

وحلفت بعالي النخل

وتعطرت با الياس

ودمها انعجن بالرطب

البصرة

حلفت بدم الشهيد

الضحى روحه للشعب

البصرة

من يومها وأيامه

ما عذبت زاير مُحب

البصرة

جود وكرم

من انزورها

ابد ما نُشعر غُربْ

البصرة

ثغر باسم

طيب وملگاه عذب

ٱه يل بصري شحلا تك

حياك يل تنحب تحب

كل  العراق بربعتك

يل طيبتك عنصر جذب

البصرة

ما تحچي دغش

البصرة ما تحچي چذب

يا اول التكوين انتِ

انتِ بيت الشعر انتِ

أنتِ عنوان الادب

البصرة

شريان الحياة

البصرة

عنوان السلام

البصرة

عنوان الغضب

البصرة

ما تسكت بعد

البصرة

ما ترضى الغصب

لا ولا ترضى التعب

البصرة

تستنجد اهلها!!

وتگول..

*) إذا الشعبُ يوماً أراد الحياة

فلا بــدّ أن يـستـجـيبَ الـقـدر

 ولا بـدّ لـلــــيـل أن يـنـجـلـي

ولا بـدّ لـلـقــيـدِ أن يـنـكــسـر(

والشعب ما ينغلب

 

*الشاعر ابو القاسم الشابي/ قصيدة  إرادة الحياة