الطود / ناصر الثعالبي
لصديق تحمل أكثر من الله
عِبر صبره حدوده على اليصبرونَ
ورسم ضحكاته بعيون اليشوفون
هذا آنه أعارك روحي بسكوت
وسري ما أفضحه للينشدون
صكر بجناحه غيم إسنين العراك
نفض جنحه سلام إعله اليصيدون
نشدته اشلون حالك ؟
كال مهيوب
أَدَني الطيب لكلوب اليكرهون
وَخطْ سور المحبه بزند شيّال
وزرع اشواك لحلوك اليحبونَ
وطَش غيم الفرح يمطر محنّات
وافرح للرفاكه من ينشطون
ألمرض يحتار بيه اشلون فرحان
عنيد إيكول مو مثل الينامون
هذا آنه أغني الروحي بسكوت
وطش بوسات لعيون اليعبرون