آذار31
يلمعدل
ياهيبة مضيف التضحك ادلاله ابوجه خطار
يادرب الرفاکه الذلو الكلفات
ياحلم اليتامى وغيرة الثوار
يا واحة صحارى التحضن التعبان
يا رمز الضمير الما يخون اسرار
ترادت والوكت غدار
لفونا انذال يالمختار
شعلو بالصرايف والمضايف نار
***
هله ابجيتك
افرشلك اسنيني الما لحكها العار
افرح بيك ...
مثل فرح العطش من يثمر الصبار
يا مهوال حك اردس ..يجيك الثار
لا تحتار...لا تحتار
مو عدنا الوطن محتار!
ياخيمة كرامه اومعشر الاحرار
طك ابطك
شدنا احزام راية زوم
خل تشرين يفرح من يلاكي اذار
ماهانت ازنود الفجرت تشرين
ولا زلمك مشو غافين
يعيون اتشع هيبه بظلام الليل
تتوسد منايا اسنين
يزماط الوكت ...يا معشر الطيبين
اخذ دم المشو للموت متعنين
ياريح اليعاند ريح
تشع كل نجمه تعبت بيك
تتلكه ضوه الماشين
ياعيد الوطن يازين
****