نِهْبَنّيي
وهامن العينين
أخْذَن كل تصاويره.
فِتَح بابه الدليل وصاح
وينه الشّاعل الغيره.
وينه الباقي بس تذكار
بيه مغَمّگ البسمار
اغْمَگ من سمه عيونه
طُفاني وماطفه ديونه..
عايف چم اثر بيّه.
وحشه وظِنّه ..
والصّفنات
حيايه التَفّن اعليه.
بَسّك تحفر بآثار
شتِنْفع مَيّت السيره.
شمالك گلبي من حَبّيت
مامَيّزت ماعرفيت.
حيايه مو حمامة بيت.
تداري ليمته باحلامك
مِلَكت الكون باوهاومك.
يخيبه ومرّت بسكته
إلْمَن اشتكي ياروح
كلمن حاير بوكته.
نجمه وصبحه ضَيّعني
رَوّْعه شماله رَوّعني.
طش بيه العشگ وسواس
اطلعه شلون من الراس.
گالوها امس يفلان..
( المايعرف تدابيره ).
وانه بجِفْنَه گاضي الليل
طيف وسارح إِبْحيرَه
........
عبدالكريم صالح العامري
امريكا