شيئ / ناصر الثعالبي
ردتْ أردْ..
لكن الشوك الغافي بين عيوني
كال لي بالك ترد؟
ضيعتني
حفنة اسنين اعلى روحك تايهه
هسه عود اتريد تنصفني اوترد !
لا ترد
خاف ينكرني سواد اعيونك
اوخايف الدمعه تغرك اجفونك
لا ترد
مابقى ابراسك عتاب
طفر بيه الشوك فوك اظنونك
السكته
ترسمني حلم لمن اجيك
موتعب
لكن اخاف اويه الوكت ينسونك
روحي يا طيبة رطب كنطار
فرهدهه الصبح من دونك
يا عشك نايم ابنص اجنونك
آه لو مره اصيرن
مرود ابنص
مكحله لجفونك